Ukrayina Tış işler naziri Andrei Sıbiğa, ABD ve Rusiye liderleri Donald Tramp ve Vladimir Putinniñ telefon subetinden soñ Rusiye ordusı tarafından Ukrayinağa, hususan Kıyivge, yapılğan nevbetteki darbelerden soñ Rusiyege qarşı basqını quvetleştirmek kerek olğanını qayd etti.
“Kıyivde pek qorqunçlı ve yuqusız bir gece. Şimdilik eñ yaramaylardan biri. Yüzlernen urus uçucısız uçaqları ve ballistik raketaları Ukrayina paytahtına ücüm etti. Putin prezident Trampnen laf etken soñ. Ve o bunı bilerek yapa. Yeter beklemek! Putin Birleşken Devletlerge ve cenkni toqtatmağa çağıruv yapqan er keske qarşı sayğısızlığını numayış ete", — dep yazdı Sıbiğa.
TİN başı qayd etti ki, Moskvağa eñ sert sanktsiyalar tayin etilmeli, Ukrayinağa ise özüni qorçalamaq içün bütün kerekli silâ berilmeli.
“Yañlış qararlar tecavuzcını daa ziyade qozğay bile. Dünyadaki er bir cinayet rejimi şimdi Putinniñ areketlerini ve olarğa qarşılıq kösterüvni diqqatnen közetmekte. Eger o, bu işni becerip olsa, bu er kes pek açıq bir işaret olacaq. Barışıqnı beklemekten vazgeçiñiz. Barışıqqa irişmek içün areket etiñiz. Barışıq küçnen", — dep qoştı ukrayin naziri.
Oraq ayınıñ 4-ne keçken gecesi Rusiye arbiyleri Ukrayina paytahtına pilotsız uçaq ve ballistik raketalarnen ücüm etti, dep bildire Ukrayina Silâlı quvetleriniñ Ava quvetleri.
Rusiye arbiyleri Ukrayina regionlarına çeşit silâ qullanıp muntazam sürette ücüm ete.
Rusiye akimiyeti, Rusiye ordusı Ukrayinanıñ şeer ve köyleriniñ grajdan infrastrukturasına, vatandaş ealisini öldürgenine, hastahaneler, mektepler, bala bağçaları, energetika ve suv teminlevi obyektlerini yoq etkenine red ete.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıy ve olarnıñ maqsatlı olğanını qayd eteler.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
